ԸՆԿԵՐՈՒԹՅԱՆ ԱՌԱՔԵԼՈՒԹՅՈՒՆԸ
Ընկերության առաքելությունն է` օգտագործելով բոլոր հնարավորությունները ֆինանսական շուկայում հաստատուն և առաջատար տեղ գրավել, լինել լավագույնը մեր հաճախորդների համար հնարավորությունների և արժեքների ստեղծման հարցում` առաջարկելով կատարյալ ֆինանսական լուծումներ և հուսալի համագործակցություն :
Ընկերության բիզնես-փիլիսոփայության հիմնարար արժեքներն են.
հաճախորդի կարևորում` Ընկերությունը ձգտում է հաճախորդների հետ կառուցել և զարգացնել կայուն և երկարատև հարաբերություններ
բարի համբավ ` Ընկերությունը կարևորում է իր համբավը, այդ իսկ պատճառով բարձր է գնահատում վստահությունը և գործնական էթիկան
պրոֆեսիոնալիզմ` լավագույն արդյունքների հասնելու նպատակով` Ընկերության փորձառու և առաջադեմ մասնագետները մշտապես բարձրացնում են իրենց մասնագիտական պատրաստվածությունը և փոխանակվում են իրենց գիտելիքներով և փորձով
շրջահայացություն` Ընկերությունը ապահովում է արդյունավետության աճ` դիվերսիֆիկացնելով ռիսկերը, դրանք դարձնելով վերահսկելի և կանխատեսելի
գործընկերություն` Ընկերությունը արժեքավորում է հաճախորդների և գործընկերների հետ երկարատև ու շարունակական համագործակցությունը` փոխշահավետ արդյունքների հասնելու նպատակով:
Ընկերության ռազմավարությունը ենթադրում է համակարգի շարունակական զարգացում` ի հաշիվ մատուցվող ծառայությունների որակի ու արդյունավետության բարելավման, Ընկերության` որպես վստահելի գործընկերոջ համբավի պահպանում և ամրապնդում հաճախորդների և գործընկերների շրջանում, նոր տեխնոլոգիաների ներդրում ու ծառայությունների տեսականու ընդլայնում:
Ընկերությունը ձգտում է մատուցել միջազգային չափանիշներին համապատասխան բարձրորակ ֆինանսական ծառայություններ` նպատակ հետապնդելով Ընկերություն-Հաճախորդ հարաբերությունները հասցնել բարձր մակարդակի, որը հնարավոր է իրագործել կառավարման համակարգի կատարելագործման, ռիսկերի դիվերսիֆիկացման և աշխատանքի արդյունավետության բարձրացման շնորհիվ:
Այսպիսին է մեր առաքելությունը, այսպիսին են տեսնում այն մեր աշխատակիցները, գործընկերներն ու հաճախորդները: Մենք համոզված ենք, որ և այսօր, և ապագայում համագործակցությունը մեզ հետ կդառնա ձեր բիզնեսի ծաղկման և դինամիկ զարգացման գրավականը:
ԸՆԿԵՐՈՒԹՅԱՆ ՆՊԱՏԱԿՆԵՐԸ
“Ռենեսա” Փակ Բաժնետիրական Ընկերությունը իր ստեղծման օրից առ այսօր իր համար որպես գործունեության ոլորտ է ընտրել հաճախորդներին իրական ներդրումային ծառայությունների մատուցումը:
Ընկերության նպատակները ձևակերպվում են նպաստելու Ընկերության առաքելության իրականացմանը: Հաշվի առնելով ֆինանսական համակարգի ու մասնավորապես Ընկերության առաջ ծառացած ներկա խնդիրները` մեր նպատակներն ըստ առաջնահերթության հետևյալն են.
ստեղծելով նպաստավոր և արդի սպասարկան պայմաններ` հաճախորդների առավել լայն շրջանակներ ներգրավել
ընդլայնել գործնեության շրջանակները` մատուցվող ծառայությունների փաթեթում ընդգրկելով նոր ֆինանսական գործիքներ
առավել շահութաբեր կառավարել Ընկերության ակտիվները
կառավարել և նվազեցնել ֆինանսական և գործառնական ռիսկերը
ՀՀ ֆինանսական շուկայում ամրապնդել հաստատված դիրքը որպես կայուն և վստահելի ֆինանսական կառույց
ներգրավել ինստիտուցիոնալ ներդրողների մասնակցությունը ընկերության կապիտալում
Մեր գլխավոր նպատակն է նաև հաճախորդների հետ վստահության վրա հիմնված երկարատև և կայուն գործարար հարաբերություններ հաստատելն ու պահպանելը, ուստի և մենք անում ենք ամեն ինչ հաճախորդների շահերը առավելագույնս պաշտպանելու համար: Համոզված ենք, որ Ընկերության և հաճախորդների միջև վստահության վրա հիմնված գործարար հարաբերությունները մեր ընդհանուր հաջողությունների գրավականն են:
Մենք համոզված ենք, որ ֆինանսական գործիքներով աշխատելու մշակույթի ներդրումը և հետագա զարգացումը կհանգեցնի ինչպես փոխշահավետ նախագծերի քանակի և ծավալների, լրացուցիչ հնարավորությունների շրջանակների էական աճի, այնպես էլ մեր և տեղական այլ առաջատար ընկերությունների միջև սերտ համագործակցությանը: